Մոսկվայի Կուչերենկոյի անվան Շինարարական կոնստրուկցիաների կենտրոնական գիտահետազոտական ինստիտուտի գիտական խորհրդում Արմեն Խաչատրյանը 1990թ. պաշտպանել է թեկնածուական ատենախոսություն «Շինարարական մեխանիկա» մասնագիտությամբ և ստացել տեխնիկական գիտությունների թեկնածուի գիտական աստիճան։ 1992 թվականից ցայժմ նա ՀՀ Սեյսմիկ պաշտպանության ազգային ծառայության Կառուցվածքների սեյսմակայունության վարչության Փորձագիտական հետազննությունների և նոր կոնստրուկտիվ լուծումների բաժնի գլխավոր մասնագետ է։
ՀՀ Քաղաքաշինության կոմիտեի նախագահի թիվ 73-Ա առ 05․12․2022թ․ հրամանով Ա/Ձ Արմեն Խաչատրյանին տրամադրվել է քաղաքաշինության բնագավառում շենքերի և շինությունների տեխնիկական վիճակի հետազննություն իրականացնելու պետական լիցենզիա, իսկ թիվ 1175-Ա/5 առ 19․06․2024թ․ հրամանով՝ քաղաքաշինության բնագավառում հետազննության և անձնագրավորման ճարտարագետի մասնագիտության ՇՄԶ հավաստագիր։ Անհրաժեշտության դեպքում հետազննական աշխատանքներում ներգրավվում են նեղ մասնագիտական հմտություններ ունեցող այլ մասնագետներ (շինարար-տնտեսագետ, ինժեներ-երկրաբան և այլն):